MAPAMBANO DHIDI YA MATUMIZI NA KUUZWA KWA MADAWA YA KULEVYA NI JAMBO LA MSINGI SANA, LAKINI........

Bwana YESU asifiwe sana watu wa Mungu!
Naitwa Ev Dr. Ayubu Mathias Kwandikwa, kutoka chuo kikuu cha Askofu mkuu Yakobo (Archbishop Jamaes university College) chuo kikuu kishiriki cha Mtakatifu Agustino,  nimeokoka na ninampenda Yesu na ninamtumikia katika kazi yake kwenye eneo la uijnilisti..
Ninaunga mkono jitihada za serikali katika kupamba na suala la uuzaji na utumiaji wa dawa za kulevya, niwapongeze viongozi mbalimbali ambao wameamua kwa dhati kabisa kutaka kulitokomeza suala hili.
Lakini kipo kitu kimoja ambacho serikali ningependa niwashauri, hakuna kitu kizuri kama kuanza na Mungu halafu ukamaliza na Mungu; Hatuwezi kufanikiwa vita hii kama watu hawajamjua Yesu kristo, unajua mtu akiokoka Anabadilishwa, anafanywa kuwa upya, matendo yote ambayo alikuwa nayo yasiyompendeza Mungu ni lazima yaachwe ili mtu awe amebadilika.
Lakini kama hatuwezi kumshirikisha Mungu hatuwezi pia kufanikiwa, na ndio maana anasema katika kitabu chake kitakatifu cha Biblia anasema "BWANA ASIPOULINDA MJI WAKESHAO WAKESHA BURE".
Na ndiyo maana tunaona mataifa mengi yamefanya vita dhidi ya madawa ya kulevya lakini bado wameshindwa, sasa uwe na uhakika pia kwetu kama tutaifanya hii vita bila kumshirikisha Mungu tutashindwa.
Madawa ya kulevya si kitu cha mchezo maana yana madhara makubwa kwa mtumiaji, familia yake, na hata jamii na taifa kwa ujumla.
Nawaasa vijana wote kujiepusha na uuzaji,utumiaji au kuwa katika mitandao ya aina yeyote inayohusu madawa ya kulevya.
Mungu awabariki sana.
Mawasiliano: ayubumathi@gmail.com